2018想提升財運、桃花運? 12生肖話你知幸運顏色 旺足全年! (II)

龍 幸運顏色：棕黃色、墨綠色 屬龍嘅朋友要注意了！踏入狗年沖太歲，工作、健康方面都有機會出現大起大跌的情況。工作上可能受到朋輩嘅流言蜚語所影響，壓力大而情緒不穩。呢個時候最緊要喺做好自己本份，唔好因衝動而辭職啊！要擋擋煞氣嘅話，多著棕黃色嘅衫，或者一個棕黃色隨身品都可以增強財運！

由於今年嘅情緒起伏比較大，喺感情方面難免會出現危機。有伴侶嘅男女可能因小事而鬧交，小事變大事而導致感情破裂！而單身嘅你都可能會遇上爛桃花，不過大家都唔洗咁驚住！每日戴住墨綠色嘅物品，例如銀包、鎖匙包等等都可以幫你驅走負能量同埋爛桃花架！

蛇 幸運顏色：米黃色、紫色 今年屬蛇嘅你喺事業上有好大嘅進展啊！打工一族得到上司嘅鼓勵，加上貴人嘅一臂之力，工作上即使遇到困難都好快解決，做生意嘅你會事半功倍。而你的工作表現獲得老闆嘅賞識後，有機會得到意外嘅花紅！想再係事業運直上高峰，戴米黃色嘅包包會有利你提升動力同自信心！

喺感情方面，你嘅桃花運好旺呀！今年嘅社交圈子進一步擴闊，結識新朋友嘅同時就有機會搵到心儀嘅對象啦！但戀愛中嘅你擁有桃花運就未必喺一年好事，切忌同新朋友發展超越朋友嘅關係呀。想提升自己嘅吸引力，用紫色嘅飾品就可以增添異性緣啦！

馬 幸運顏色：棕黃色、玫紅色 狗年嘅運程唔算特別好，財政上記得要謹慎處理，投資都要小心，唔好抱太大野心同期望。而打工仔亦要努力謹守崗位，暫時唔好肆無忌憚地花錢去旅行喇！想化解破財問題，用玫紅色嘅銀包就可以旺一旺自己啦！

新一年嘅感情並未有好轉，單身嘅你仍然未能尋覓到對象，所以讀緊書就繼續俾心機專注學業，打緊工嘅就好好把握時間進修。拍緊拖既你要用心經營同另一半嘅感情啊！因為有機會出現第三者或追求者而令雙方關係出現危機。帶上棕黃色嘅飾物都可以減低爛桃花嘅出現。

羊 幸運顏色：棕色、杏色 屬羊嘅你今年要好好把握機會呀，有福星嘅照顧下工作都幾順利，雖然做野仍然有壓力，但好好將壓力化為動力，再俾多啲信心自己，可能會有意外收獲呢！特別要注意嘅喺同同事之間嘅相處，容易出現是非同爭執，所以記得要好好放下仇恨，做事亦要低調。放植物喺公司都可以增加你嘅正能量嫁！

今年嘅人緣運唔錯呀！有機會喺新嘅社交場合認識到另一半，所以單身嘅你記得要打扮得靚啲，留一個好印象俾對方。不過屬羊嘅男士們要注意，唔好咁易受引誘而對異性做出越軌行為，背叛愛侶！想增加戀愛運，出街用杏色嘅袋都可以幫你加強感情嘅堅固。

後一篇嘅生肖運程嫁，敬請期待！

＊生肖運程只作參考，命運喺要自己掌握的啊 😊