2018想提升財運、桃花運? 12生肖話你知幸運顏色 旺足全年!

鼠 幸運色: 寶藍色 踏入狗年，屬鼠嘅朋友仔係事業上會得到貴人嘅幫助，只要好好發揮所長就可以事半功倍！今年戴上銀色飾物更加令自己既財運大增！ 另外要多注意感情方面，情侶或夫妻間容易出現口角、衝突，要多多體諒和包容，可以買寶藍色嘅物品有助化解爭執，修補關係～

牛 幸運色: 咖啡色、淺黃色 恭喜屬牛的朋友，你全年嘅運勢都不錯呀！女性嘅人緣提升，求職者會得到幾好嘅職位，而打工一族喺工作上可能有晉升機會！相反男性今年嘅財運就麻麻地，容易受到唔同嘅誘惑而損失錢財，適宜喺屋企擺上淺黃色嘅擺設化解流年太歲的煞氣呀～ 至於感情方面就比較平穩，同愛侶相處融洽，而單身既男女亦都有機會搵到新對象，佩戴深啡或黑色嘅飾物，例如手錶，都可以提升桃花運，增加魅力！

虎 幸運色: 橙色、天藍色 今年屬牛嘅朋友會得到「文昌星」嘅眷顧，如果你讀緊書就要好好把握喇，因為狗年喺你嘅收成期！成績會比想像中好，更加有機會獲得三甲！返工嘅你都可以去進修，好好擴闊眼界。平日出街帶橙色嘅物品有助你喺工作、感情、健康得到全面嘅提升。

喺愛情方面嘅運勢唔太好，容易缺乏安全感，另一半有可能想喺尋求刺激同新鮮感，令雙方經常爭執。如果想愛情婚姻更加堅固，配合天藍色嘅吊墜都可以幫你去除爛桃花。

兔 幸運顏色：紅色、淺綠色 肖兔今年嘅工作順心順意，勤力過後都有唔錯嘅回報！不過公司容易招惹是非，有可能捲入人事鬥爭，從而令你有轉工嘅想法。但狗年並唔喺一個適當嘅時候，新公司可能只是表面風光，內裡不安，最後弄巧反拙！所以屬兔嘅朋友除咗要謹守崗位，分析當時局勢，配合淺綠色嘅吉祥物就更加會為你帶來正能量，提升自信心啊！

喺感情方面，情侶逐漸步入穩定期，更加珍惜同另一半相聚嘅時刻；不過今年要提防第三者介入，記得唔好三心兩意，破壞感情呀！想加強愛情運，可以著紅色嘅衣服或者帶紅色嘅袋增強自己嘅吸引力，同對方痴到實一實啦！

想知道其他生肖嘅運程，就要記得留意下一篇喇 !